⚖️ వైఎస్ఆర్సీపీ నేత అంబటి రాంబాబు అరెస్ట్, తిరుపతి లడ్డూ వివాద వ్యాఖ్యలతో పెద్ద రాజకీయ తుపాన్

వైఎస్ఆర్సీపీ సీనియర్ నేత, మాజీ మంత్రి అంబటి రాంబాబును పోలీసులు ఇవాళ అరెస్ట్ చేయడం ఆంధ్రప్రదేశ్ రాజకీయాల్లో కలకలం రేపింది. తిరుపతి లడ్డూ వివాదంపై సీఎం చంద్రబాబు నాయుడిపై ఆయన చేసిన తీవ్రమైన, అభ్యంతరకర వ్యాఖ్యలు, అలాగే పోలీసుల విధుల్లో ఆటంకం కల్పించినట్లు వచ్చిన ఆరోపణల ఆధారంగా కేసులు నమోదు చేసి అదుపులోకి తీసుకున్నారు. గుంటూరులోని ఆయన నివాసం వద్ద ఉద్రిక్తతల మధ్య అరెస్ట్ జరిగిందని పార్టీ వర్గాలు ఆరోపిస్తుండగా, ఇది రాజకీయ వేధింపులేనని వైఎస్ఆర్సీపీ నేతలు మండిపడుతున్నారు. ఇదిలా ఉంటే, అంబటి రాంబాబు అక్రమ నిర్బంధంలో ఉన్నారని ఆరోజిస్తూ, ఆయన భార్య హైకోర్టులో హౌస్ మోషన్ పిటిషన్ దాఖలు చేయడం కేసుకు మరో లీగల్ డైమెన్షన్ తీసుకువచ్చింది.