చైనాలో రూపొందించిన హ్యూమనాయిడ్ రోబో ‘అజిబాట్ A2’ (Agibot A2) 3 రోజుల పాటు ఆగకుండా నడుస్తూ 106 కి.మీ. దూరం పూర్తి చేసి గిన్నిస్ వరల్డ్ రికార్డ్ సాధించింది. సుజౌలోని జిన్జీ సరస్సు వద్ద నుంచి షాంఘై బండ్ వరకూ ఈ రోబో స్వయంచాలకంగా నడుచుకుంటూ ప్రయాణం పూర్తి చేయడం ప్రపంచవ్యాప్తంగా టెక్ వర్గాల్లో చర్చనీయాంశమైంది.
సుమారు 1.75 మీటర్ల ఎత్తు, 55 కిలోల బరువుతో ఉన్న ఈ రోబోకు డ్యూయల్ GPS మాడ్యూళ్లు, లిడార్ సెన్సర్లు, ఇన్ఫ్రారెడ్ డెప్త్ కెమెరాలు అమర్చారు. అవే సహాయంతో నగర రహదారులు, హైవేలు, బ్రిడ్జిలు, పాదచారుల మార్గాలు, తక్కువ కాంతి పరిస్థితుల్లో కూడా ఈ రోబో ట్రాఫిక్ రూల్స్ పాటిస్తూ నిరంతరాయంగా నడిచింది.
ఈ ఫీట్ సాధించేందుకు టీమ్ ఏప్రిల్–మే 2025 మధ్య నెలల పాటు రోబో సిస్టమ్ను ఫైన్ట్యూన్ చేసి, వందల గంటల పాటు నిరంతర నడక టెస్టులు నిర్వహించింది. ఇది మొదటి ప్రయత్నం కాదు; అంతకుముందు ఆగస్టులో 24 గంటల పాటు 40 డిగ్రీల వేడిలో ఆటోనమస్ వాక్ పూర్తి చేసి తన స్టామినాను నిరూపించింది.
బ్యాలెన్స్ కంట్రోల్, ఎనర్జీ ఎఫిషియెన్సీ, హార్డ్వేర్ దృఢత్వంలో ఈ రికార్డ్ పెద్ద ముందడుగు అని కంపెనీ పేర్కొంది. భవిష్యత్తులో అజిబాట్ A2 లాంటి హ్యూమనాయిడ్ రోబోలను ఎడ్యుకేషన్, హాస్పిటాలిటీ, లాజిస్టిక్స్, గైడింగ్, డెలివరీ, సర్వీస్ రంగాల్లో వినియోగించాలనే లక్ష్యంతో చైనా దూసుకెళ్తోంది
